Саха сирин муниципальнай тэриллиилэрин бэрэстэбиитэллээх уоргаттарын II сийиэстэрэ 2020 сыл кулун тутарыгар ыытыллыахтааҕа. Билигин ол көстө — 2021 сыл ахсынньыта диэн буолла. Ол туһунан Ил Түмэн аппараатын информационнай-аналитическай управление начаалынньыгын солбуйааччыта Георгий Иванов эттэ, Судаарыстыбаннай мунньах пресс-сулууспата иһитиннэрэр.
«Коронавирус пандемиятынан сийиэс көһөрүлүннэ. Улахан бэлэмнэнии үлэтэ ыытыллыбыта. Улуустартан 500 делегат талыллыбыта. Дьүүллэһиллэр былаһааккалар быһаарыллыбыттара, делегаттары инновационнай менеджмент оскуолатыгар үөрэтии былааннаммыта. Ил Түмэн бэрэссэдээтэлэ Петр Гоголев сийиэһи 2021 сылга көһөрүү туһунан этиитин оройуоннардааҕы Сэбиэттэр бэрэссэдээтэллэрэ үгүстэр өйөөтүлэр. Онуоха диэри ыарыы балаһыанньата тупсарыгар эрэллээхпит», — диэтэ Георгий Иванов.
Кини бэлиэтээбитинэн, муниципалитеттар уонна бэрэстэбиитэллээх уоргаттар национальнай бырайыактар үлэлэригэр уонна инники тосхолго былааннааһын докумуоннарыгар оруолларын көдьүүһэ улахан.
