Сыана кэннэ, гжелевай слоннар, карнавалга кэтиллэр дьууппалар уонна куорсуннар, саамай кылаабынайа — олоппостор. Опера уонна балет театрыгар производственнай сыах хамаандата «12 стульев» балет премьератыгар бэлэмнэнэр. Кулун тутар 25 күнүгэр диэри кинилэр сүүһүнэн көстүүмү, декорацияны киэргэтиини бүтэриэхтээхтэр. Өссө ким да көрө илик испэктээҕэ хайдах оҥоһуллан эрэрин СИА матырыйаалыгар ааҕыҥ.
Опера уонна балет судаарыстыбаннай театра премьераҕа бэлэмнэнэр — «12 стульев» балеты аан бастаан Дьокуускайга көрүөхтэрэ. Туруорааччыларынан Белоруссияттан идэлээх дьон үлэлииллэр. Кинилэр Саха сирин киинигэр өссө тохсунньуга кэлбиттэрэ. Ол кэмтэн производственнай сыах иһигэр тыас тохтообот.
Хас биирдии отдел бэйэтин дьыалатынан дьарыктанар. Соторутааҕыта столярдар бөлөхтөрө дирижабль мас тирэҕин оҥорбуттара, бүгүн онно декордар тимир пластинаны сыһыардылар, бу кэмҥэ ыаллыы хоско куорсуннары кырааскалыыллар.
«12 стульев» испэктээк актердар оонньуулларынан, умсулҕаннаах сюжеттарынан эрэ буолбакка, өссө сценографията күүстээх дьайыыны оҥоруо дииллэр. Барытын ымпыгар-чымпыгар диэри ырыталлар.
«Кэлии декоратордары кытта үлэлиир интэриэһинэй. Кинилэр бэйэлэрин технологияларын илдьэ кэлбиттэрэ. Биһиэхэ эмиэ баар, ити эрээри саҥаны киллэрии хаһан да мэһэйдээбэт«, — диэтэ художник-декоратор Ангелина Тимофеева.
Сиһилии манна аах https://ysia.ru/vse-delaem-sami-v-teatre-opery-i-baleta-gotovyatsya-k-postanovke-12-stulev/
