Олохтоох салайыныы тирээн турар боппуруостарынан муниципалитеттар баһылыктарын кытта мунньахха  бастакы кыбаартал түмүгүнэн «Олохтоох кадры — бырамыысыланнаска» бырайыагынан 1673 киһи үлэлэммитэ этилиннэ. Бу — сыллааҕы көрдөрүү 18,6%-н ылар.


2020 сылга «Олохтоох кадры — бырамыысыланнаска» бырайыагынан 9 тыһыынчаттан аҕыйаҕа суох киһини үлэнэн хааччыйыллыахтаах. Бары Саха Өрөспүүбүлүкэтин олохтоохторо буолуохтаахтар.  Нэһилиэнньэ дьарыктаах буолуутугар кэмитиэт бэрэссэдээтэлэ Степан Москвитин эппитинэн, Чайыҥдатааҕы ньиэп-гаас хостонор сиригэр үлэһиттэри солбуйар сыалтан, биэдэмистибэ «ГазАртСтрой» уонна «Стройтрансгаз Трубопроводстрой» ХЭУо-лары кытта 2020-2021 сылларга тус сыаллаах бырайыагынан бииргэ үлэлииргэ илии баттаста.

Оттон СӨ суол хаһаайыстыбатын миниистирин бастакы солбуйааччыта Сергей Владимиров иһитиннэрбитинэн, «Тыа сирин биир кэлим сайыннарыы» бырагырааманан 2020 сылга федеральнайдааҕы суол ааҕыныстыбата уонна СӨ бырабыыталыстыбата дойду бюджетыттан субсидия көрүүтүгэр сөбүлэҥ түһэристилэр. Ол чэрчитинэн,  өрөспүүбүлүкэҕэ түөрт учаастакка суол оҥоһуута барыахтаах, уопсай суумата 488 346,7 тыһ. солк, ол иһигэр федеральнай бюджеттан — 387 259,7. Суол уопсай уһуна — 21, 24 км.

Сиһилии https://ysia.ru/za-pervyj-kvartal-proekta-mestnye-kadry-v-promyshlennost-trudoustroeno-1673-yakutyan/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.