Бу сайын үгэскэ кубулуйбут Олоҥхо ыһыаҕа Бүлүү куоракка ыытыллар. Онно бэлэмнэнии хайыы үйэ бара турар. Ыһыахха аан дойду үрдүнэн дьахталлартан бастакы космонавт, номоххо киирбит Валентина Терешкова кэлэр үһү диэн социальнай ситимҥэ тарҕанна диэн edersaas.ru суруйдулар.
Бүлүү улууһун дьаһалтатыттан билсибиппитигэр, Роскосмос тэрилтэни кытта кэпсэтии, кырдьык, бара турар эбит. Билиҥҥи туругунан, барыан сөп диэн эппиттэр. Ол гынан баран, Валентина Терешкова ыраах айаны тулуйарыгар, биллэн турар, доруобуйатын туруга улахан оруоллаах. Онон чахчы кэлэр диэн этэр уустук. Аны сайын ыһыах буолуон иннинэ туга-ханныга чуолкайданыа.
Ыспыраапка:
Валентина Владимировна Терешкова, аан дойду үрдүнэн бастакы космонавт-дьахтар (1963), Сэбиэскэй Сойуус Дьоруойа, генерал-майор, техническэй наука хандьыдаата, профессор.
