СӨ духуобунас академиятын чилиэнэ, суруналыыс, Хотугулуу-Илиҥҥи федеральнай үнүбэрсиэт тыл салаатын суруналыыстыка кафедратын сэбидиссэйэ Олег Сидоров Россия төрүт сокуонугар киирэр уларытыылар тустарынан санаатын эттэ.
«Россия үрдүнэн тоҕо нуучча эрэ тыла судаарыстыбаннай буолуохтааҕын туһунан быһаарыыга мөккүөр барыахтаах. Бу Россия сайдыытын биир үрдэлигэр дойду сайдыыта хайдах барыахтааҕын туһунан мөккүөр уонна кэпсэтии тахсыахтааҕын туһунан көрдөрөр. Уонна судаарыстыба сойууһун тутулун күүһүрдэн биэрэр», — диэн эттэ.
Санатан эттэххэ, дойду Төрүт сокуонугар киирэр уларытыылартан биирдэстэринэн нуучча тылын судаарыстыбаны үөскэтэр норуот тылынан бигэргэтии туһунан буолар, диэн суруйар НВК «Саха».
