Одуну нэһилиэгэр Горнай улууһун дьаһалтатын 2019 сыл 9 ый түмүгүнэн отчуот буолла. Ыытыллыбыт үлэлэр, инники соруктар тустарынан улуус баһылыгын бастакы солбуйааччы В.В. Спиридонов иһитиннэриини оҥордо.


Отчуокка Горнай улууһун прокурора М.Г. Кардашевскай, улуус дьаһалтатын управлениеларын салайааччылара кыттыыны ыллылар. Отчуокканэьилиэк 65 олохтооҕо кыттан араас хайысхалаах, долгутар боппуруостарын туруордулар.

  

Хас эмэ сылы быһа туруорсар хочуолунай тутуутун боппуруоһун, кэнники кэмҥэ федеральнай трассаҕа элбэх сүөһүнү айан массыыната туҥнэри көтүүтэ тахсыбытынан, Чиирийэттэн саҕалаан Одуну нэһилиэгин хабан суолга сүөһү сылдьар бэлиэлэрин, тургэн айаны хааччахтыыр видеокамералары туруорсаллар. Улууска тыа хаһаайыстыбата инники сайдыытыгар улахан болҕомто ууруллуохтааҕын, Бэрдьигэстээх — Дьокуускай хайысханан маршрутнай автобус сырыытын хаһан саҕалыырын туоһуластылар, этиннилэр.

Мунньах түмүгэр экономическай управление салайааччыта С. П. Филиппова, урбаанньыттары өйүүр киин дириэктэрэ М.В. Максимова Одуну нэһилиэгэр туризм сайдыытыгар араас хайысхалары тобулан үлэ тэриллиэн сөбүн быһаардылар. Олохтоохтор бу үлэ көрүҥэр интэриэстээхтэрин, ханна, туох хайысханан тэриллэригэр сүбэлэһиини, ырытыыны ыытарга бэлэмнэрин биллэрдилэр.

Ольга Романовна Никоноваҕа үбүлүөйүнэн Горнай улууһун сайдыытыгар кылаатын иһин бэлиэни туттардылар.

Улуус прокурора М.Г. Кардашевскай, улуус баһылыгын бастакы солбуйааччыта В. В. Спиридонов, финансовай-казначейскай управление салайаччыта К. В. Тарасова, тутууга уонна архитектураҕа управление салайааччыта Н. В. Дьяконов Маҕарас оскуолатыгар, «Туллукчаана» оҕо уһуйааныгар, эдэр исписэлиистэргэ тутулла турар 4 квартиралаах дьиэни көрдүлэр, иһиттилэр.

  

Сэрии оҕотугар Жиркова Мария Семеновнаҕа быйылгы сылга «Старшее поколение» муниципальнай бырагырааманан уонна олохтоох дьаһалтаттан үп көрүллэн, аҕам саастаах дьиэтин өрөмүөннэтэн үөрүүтүн, махталын биллэрдэ. Улуус прокурора М.Г. Кардашевскай нэһилиэк олохтоохторун приемнаата.

Ааптар: Ольга Скрыбыкина, https://ulus.media

0
0
comments powered by HyperComments