ОДьКХ эйгэтигэр коммунальнай төлөбүрү оҥорууга кэккэ чэпчэтиилэр тустарынан “Российскай хаһыакка” анаан адвокат Олег Сухов кэпсээтэ. Бу туһунан СИА иһитиннэрэр.


Чэпчэтиинэн инбэлииттэр, инбэлиит оҕолор, сэрии уонна үлэ бэтэрээннэрэ туһаныахтарын сөп. Байыннай сулууспалаахтарга, өлбүттээх байыаннай дьиэ кэргэҥҥэ, Чернобыль авариятыгар эмсэҕэлээбиттэргэ, РФ, СССР Геройдарыгар, Үлэ Геройдарыгар, Слава Уордьанын кавалердарыгар, тыа сирин учууталларыгар, быраастарыгар уо.д.а. государство коммунальнай өҥө сорох чааһын төлүүр.

Маны таһынан көмөнөн кыаммат ыаллар туһаныахтарын сөп. Кинилэр РФ Правительствотын 2005 с. ахсынньы 12 күнүгэр ылыллыбыт 761 №-дээх Уурааҕын быһыытынан субсидиянан туһаныахтарын сөп.

Субсидиянан туһанааччылар болдьохторо сыл аҥарыгар уһаан биэриэ

Субсидия алта ыйга болдьохтоон оҥоһуллар. Өскөтүн төлөбүр муус устар 1 күнүттэн алтынньы 1 күнүгэр диэри бүтэр буоллагына компенсация төлөбүрэ өссө алта ыйга быһа уһаан биэрэр (Правительство 02.04.2020 с. 420 №-дээх Уурааҕын быһыытынан).  Докумуон хомуйар, субсидияны аныыр тэрилтэҕэ баран уочараттыыр наадата суох.

Коммунальнай өҥөнү төлөөһүҥҥэ ыстараап бары көрүҥэ тохтуо

2021 сыл тохсунньу 1 күнүгэр диэри коммунальнай өҥөнү кэмигэр төлөөбөт иһин эбэтэр ситэтэ суох төлөөһүн иһин Правительство муус устар 2 күнүгэр ылыммыт 420 №-дээх Уурааҕар олоҕуран ыстараап бары көрүҥэ тохтуо.

Учуоттуур тэриллэри бэрэбиэркэлээһини быстах кэмҥэ тохтотуохтара

2021 сыл тохсунньу 1 күнүгэр диэри учуоттуур тэриллэри бэрэбиэркэлээһин тохтуо. Аныгыскы бэрэбиэркэ кэлэр сыл маҥнайгы аҥарыгар барыа.

Өскөтүн коммунальнай өҥө иһин төлөбүр кэмигэр оҥоһуллубат буоллаҕына, эбэтэр ситэтэ суох төлөнөр буоллаҕына 2021 сыл тохсунньу 1 күнүгэр диэри өҥөнү оҥоруу тохтотуллуо суохтаах. Ол эрэн букатын төлөммөт иэстээхтэргэ ОДьКХ тэрилтэлэрэ өҥөнү тохтотуохарын сөбүн туһунан Олег Сухов кэпсиир.

 

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.