НВК САХА – «Disney» хампаанньа «Fox» хас да киинэтин саҥардан устары былаанныр, ол иһигэр аатырбыт «Один дома» кэмиэдьийэни. Бу туһунан «РИА Новости» суруйар.
Студия генеральнай дириэктэрэ Роберт Айгер «Ночь в музее», «Дневник слабака», «Один дома» уонна «Оптом дешевле» киинэлэри устар былааннаахтарын эппит.
«Биһиги платформабытын байытар туһугар «Fox» библиотекатыттан атын бырайыактары эмиэ туһаныахпыт», — диэн бэлиэтиир Роберт Айгер.
Билиҥҥитэ «Один дома» уонна да атын киинэлэри иккистээн ремейк быһыытынан усталлара дуу, сериал оҥорон таһаараллара дуу биллибэт.
«Disney» студия биллэр ремейк устар уопуттаах. Ол курдук Гай Ричи «Аладдин», Джон Фавро «Король Лев» киинэлэрэ тахсыбыттара бастакы нэдиэлэлэригэр биир миллиардтан тахса доллары киллэрбиттэр.
Источник: http://nvk-online.ru
