Ол курдук, Булуҥ улууһун полициятыгар баан үлэһиттэрэ 70 тыһ. солк. суумалаах уоруу тахсыбытын туһунан сайабылыанньа киллэрбиттэр. Кимнээх эрэ түүн баан түннүгүн алдьатан киирбиттэр.
Оперативниктар суһал-ирдиир тэрээһин кэмигэр уорууга уорбаланааччылары туппуттар — 14 саастаах уолаттар эбиттэр.
Барыллаан быһаарыынан, бу оҕолор баантан харчы уорар туһунан санааны иитиэхтээбиттэрэ ырааппыт. Ол санааларын толорон, бааҥҥа күнүс эрдэ сылдьан, видеокамералар суохтарын өйдөөн көрбүттэр. Итиэннэ уталыппакка, сол күн түүнүгэр түннүгү мас баалкынан алдьатан киирбиттэр. Харчыны да өр көрдүү барбатахтар — баан үлэһитэ харчыны сейфэҕэ укпакка барбыт, хоруопкаҕа уган хаалларбыт.
Уоруйахтар ол харчыны сойботон, быраҕыллыбыт дьиэҕэ кистээбиттэр.
Бу уолаттар полиция сокуоннай саастарын ситэ илик оҕолор дьыалаларыгар инспекциятыгар учуокка турбаттарын бэлиэтиир наада.
Бу чахчынан «уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Өйдөөн аахпыккыт курдук, баан өттүттэн дьалаҕай буолуу икки бэлиэтэ баар: бастакыта — видеокамералара суох, иккиһэ — харчыны сейфэҕэ уурбакка, көннөрү хоруопкаҕа уган хаалларыы.
Биһиги корр., «Саха сирэ» хаһыат, edersaas.ru
Хаартыска: интэриниэттэн
