29 Кулун тутар 29.03
  • -14°
  • $ 92,26
  • 99,71

Оҕону иитии туһунан сэргэх кэпсэтии таҕыста

17:00, 04 марта 2018
Текст:
Читайте нас на
Яндекс Новости
ЯДВ

Оҕону иитиигэ ким оруола ордук улаханый?  Ийэ эбэтэр аҕа? Бу тиэмэҕэ араадьыйанан биэрии кэмигэр аһаҕас эфир кыттыылаахтара уонна истээччилэр, көрөөччүлэр ирэ-хоро кэпсэттилэр, санааларын үллэһиннилэр.


«Саха» НКИХ тэлэбиидэнньэнэн уонна араадьыйанан биэриилэрин   холбоһуктаах аһаҕас эфиригэр өрөспүүбүлүкэтээҕи Аҕалар уопсастыбаннай түмсүүлэрин салайааччытын солбуйааччы Албан Стрекаловскай уонна биллэр спорстмен, түмсүү бэрэссэдээтэлин сүбэһитэ  Айаал  Лазарев кыттыыны ыллылар.

Өрөспүүбүлүкэтээҕи Аҕалар түмсүүлэрин Айхал Габышев номнуо хаһыс да сылын салайар. Таһаарыылаах үлэлээх түмсүү буолалларын бигэргэтэн, сылы эргиччи араас тэрээһиннэри ыыталлар.

Оттон эфир хара саҕаланыытыттан араас улуустартан үгүс ыйытыылар киирдилэр. Үөһээ Бүлүү олохтооҕо Дмитрий Баппаҕай, буолаары турар Аҕалар форумнарыгар эһэлэр эмиэ кыттыыны ылыахтарын туһунан ыйытыы, этии быһыытынан эттэ. Уус Алдан улууһун  ытык кырдьаҕаһа Руслан Дьяконов 14 саастарын сиппит уолаттар аҕаларын кытта бииргэ булка сылдьыахтаахтарын  туһунан сокуон ылыныахха диэн этии киллэрдэ. Красноярскай кыраайтан тиийэ истээччилэрбит биэриигэ кытыннылар. Өрөспүүбүлүкэ эр дьонун   ааспыт бырааһынньыгынан эҕэрдэлээтэ.

Бэрт сэргэх кэпсэтии тахсан, биир чаастаах эфир биир тыынынан ааста. Биэриини телерадиосуруналыыс Нюргуяна Филиппова иилээн-саҕалаан ыытта.

Следите за самым важным и интересным в Telegram-канале и WhatsApp-группе ЯСИА