Бу күннэргэ Дьокуускай куорат оскуолаларыгар өрөспүүбүлүкэтээҕи «Эргиэн» бизнес-оонньуу ыытылынна.
Бу бэрт интэриэһинэй бырайыак салайааччыта — уопсастыбанньык Семен Посельскай.
— Бизнес-оонньуу сүрүн соруга — оҕолор ырыынак тиһигэр бэйэлэрин кыахтарын холонон көрүүлэрэ, дьоҕус бизнес эйгэтин төрүөттэрин кытта билсиһиннэрии уонна бэйэлэрин кэскиллээх бырайыактарын оҥорон, олоххо киллэриигэ дьулуһууларын «уһугуннарыы».
Оонньуу үс этааптан турар: бэйэни билиһиннэрии, хамаанданан үлэ, бырайыагы көмүскээһин. Оҕолор бизнес- оонньуу кэмигэр тэрилтэ слайааччытын, үбүлээһиҥҥэ эппиэттиир дириэктэри, юриһы, атыы-эргиэн менеджерин, маркетологы таллылар. Хас биирдии хамаанда бэйэтин үлэлиир хайысхатын талан, 100 тыһ. солк. суумалаах бырайыагы оҥорон көмүскээтэ.
Экспердэр кыайыылааҕы талыы төһө да уустугун иһин, кыахтаах хамаанданы бастыҥнарга булан таһаарда. III миэстэҕэ Дьокуускай куорат Классическай гимназията таҕыста. II миэстэҕэ 10 №дээх орто оскуола тигистэ. Оттон I миэстэҕэ тахсан, 16 №-дээх орто оскуола эдэр предпринимателлэрэ дорҕоонноохтук ааттарын ааттаттылар, — диэн кэпсиир Бизнес-ооонньууну тэрийбит Семен Посельскай.
Тэрээһини Дьокуускай куораттааҕы үөрэх управлениета, «Сосновай бор» Оҕо сынньалаҥын киинэ, экология, туризм, агротехнологическай үөрэхтээһин научнай киинэ, И.И. Фадеев аатынан финансовай-экономическай колледж, «Бизнес-инкубатор» тэрилтэтэ, инновационнай үөрэхтээһин киинэ өйөөтүлэр.
Елена ПОТОЦКАЯ, «Саха сирэ» хаһыат, edersaas.ru
Семен Посельскай хаартыскаҕа түһэриитэ.
