Тустууктар Ньургун Скрябин уонна Владислав Андреев Белоруссияҕа буола турар көҥүл тустуу чемпионатын финалистарынан буоллулар. Олимпийскай ыйааһыҥҥа киирсэллэр. Андрей Бекренев финал аҥарыгар биир дойдулааҕыттан хоттордо, онон боруонса мэтээлгэ киирсиэҕэ.
Саха сириттэн кыттар үс тустуук олимпийскай ыйааһыҥҥа киирсэллэр, Андрей Бекренев бу сырыыга бэйэтэ кыттар 61 киилэтин 65-кэ таһаарда. Ол иһин бу ыйааһыҥҥа кини Ньургун Скрябинныын кииристэ. Ньургун финалга киирдэ.
Бастакы икки эргииргэ Скрябин 10:0 ахсаанынан Вадим Тереховы уонна Дмитрий Кердольы кыайар. Полуфиналга Андрей Бекренев уонна Ньургун Скрябин тахсаллар. Киирсии сөҕүмэрдик ааһар, түмүгэр 3:2 ахсаанынан Мэҥэ Хаҥалас бөҕөһө баһыйа тутар. Онон Скрябин финалга Европа чемпионатын призера Георгий Колиевтыын көбүөргэ тахсыахтара.
57 кг диэри кыра ыйааһыҥҥа финалга Европа түөрт төгүллээх призера, Ньурба улууһуттан Владислав Андреев тахсар. Полуфиналга кини кыаҕын көрдөрөр, Масгад Гасановы 8:7 ахсаанынан баһылаан, инники тахсар. Финалга бурят тустууга, норуоттар икки ардыларынааҕы кылаастаах спорт маастара Димчик Ринчиновы кытта киирсиэ.
