29 Кулун тутар 29.03
  • -14°
  • $ 92,26
  • 99,71

Ньургун Скрябиммит Красноярскай түһүлгэтигэр чаҕылхай ситиһиитэ

12:10, 01 февраля 2016
Текст:
Читайте нас на
Яндекс Новости
ЯДВ

Мэҥэ Хаҥалас тустууга оскуолатын иитиллээччитэ Ньургун Скрябин улахан түһүлгэҕэ бастакы хапсыһыытыгар биир дойдулааҕын Вячеслав Ефремовы эрэллээхтик хоппута. Салгыы бу ыйааһын лидерин, кэнники күрэхтэһиилэргэ аҥардастыы хаардыы хаампыт Ахмед Чакаевы илиилээх-атахтаах оҥорбото, ыраас кыайыыны ситистэ. Финалга тахсар иһин күөн көрсүһүүгэ Муршид Муталимовы (Дагестан) үрүҥ хараҕын өрө көрдөрбөккө, 3:1 ахсаанынан баһыйа тутта. Оттон кыайыылааҕы быһаарар түмүк киирсиигэ бастакы эргииргэ Виктор Лебедевы хоппут өссө биир Дагестан ааттааҕын Имам Аджиевы утары тахсан, хабыр хапсыһыыга кыһыл көмүс мэтээли утарылаһааччытын муннун анныттан туура тутан ылла! Онон Чурапчытааҕы физкультурнай институт студена Ньургун Скрябин дойду сүүмэрдэммит хамаандатыгар киирдэ уонна Европаҕа бастыыр иһин күрэхтэһиигэ Россия аатыттан тустар бочуоттаах быраабы ылла.

Аан дойду икки төгүллээх чемпиона Виктор Лебедев боруонса мэтээл хаһаайынынан буолла.

Тохсунньу 31 күнүгэр  Красноярскайга ыытыллыбыт “Иван Ярыгин” норуоттар икки ардыларынааҕы XXVII турнир кыайыылааҕа Ньургун Скрябини Саха Өрөспүүбүлүкэтин Ил Дархана Егор Борисов эҕэрдэлээтэ. Егор Афанасьевич Ньургун бу кыайыыта уһун сыллаах дьулуурдаах үлэтинэн, модун санаатынан ситиһиллибитин, аан дойду ааттаахтара мустубут түһүлгэлэригэр үрдүк маастарыстыбаны көрдөрөн дойдутун, төрөөбүт өрөспүүбүлүкэтин аатын чиэстээхтик көмүскээбитин бэлиэтээтэ.

Следите за самым важным и интересным в Telegram-канале и WhatsApp-группе ЯСИА