Арассыыйа Бэрэсидьиэнэ Владимир Путин 249 №-дээх ыйааҕынан 3 сааһыгар диэри саастаах оҕолордоох дьиэ кэргэттэргэ, итиэннэ 317 №-дээх ыйаахха олоҕуран, 3-16-гар диэри саастаах оҕолордооххо Ньурба улууһун пенсионнай фондата анаммыт төлөбүрдэри тириэрдэр.
Ньурба улууһун пенсионнай фондатын салайааччыта Владимир Моисеев:
– Ньурба оройуонугар 5000 солкуобайдаах төлөбүрү уопсайа 892 ийэ ылыахтааҕыттан 834 ылла, бүгүҥҥү туругунан 9 мөл. 90 тыһ. солк. төлөннө. Бэс ыйын 1 күнүгэр 10 000 солкуобайдаах көмөнү 1895 ийэ тутта, барыта 35 мөл. 500 тыһ. солкуобай бэрилиннэ.
Оҕолорго аналлаах төлөбүрдэри ылбыт ийэлэр бэйэлэрин санааларын үллэстэллэр.
Ньурба куоратыгар олорор үс оҕолоох ыал ийэтэ Пелагея Ушканова:
– Мин интернет ситимин нөҥүө тус кэбиниэппэр киирэн дьиэ кэргэннэргэ аналлааҕы болҕомтоҕо ылабын. Бу сырыыга пенсионнай төлөбүрдэри көрөн сайабылыанньа суруйбутум. Пенсионнай управление тута төлөбүрдэри төлөөн, биһиги дьиэ кэргэн туһалаах көмөнү ылан олуһун үөрдүбүт. Дойду Бэрэсидьиэнигэр Владимир Владимирович Путиҥҥа уонна улуустааҕы пенсионнай фонда управлениетыгар барҕа махталбытын тиэрдэбит.
Октябрьскай нэһилиэккэ олорор биэс оҕолоох ийэ Оксана Ивановна:
– Биһиги дьиэ кэргэн 6 уонна 13 саастаах оҕолорбутугар төлөбүрдэринэн туһанныбыт. Олус туһалаах көмө. Бу иннинэ оҕолорбор ийэ хапытаалынан туһаммыппыт.
Бу туһунан Ньурба улууһун инстаграм-сирэйигэр суруйдулар.
