29 Кулун тутар 29.03
  • -15°
  • $ 92,26
  • 99,71

Ньурба улууһугар "Биир ньыгыл Россия" барыллаан куоластааһынын түмүктэрэ

16:44, 23 мая 2016
Текст:
Читайте нас на
Яндекс Новости
ЯДВ

Бэҕэһээ дойду үрдүнэн «Биир ньыгыл Россия» политическай партия Госдума быыбарын иннинээҕи кандидаттары талыыга барыллаан куоластааһына буолла. Ньурба улууһа тэрээһиҥҥэ көхтөөхтүк кытынна.


Барыллаан куоластааһын улууска үрдүк тэрээһиннээхтик ыытыллыбытын Ньурбаҕа кэлэн үлэлээбит «Биир ньыгыл Россия» партия Саха сиринээҕи кэмитиэтин боломуочунайа Надежда Филиппова бэлиэтээтэ.

Ньурба улууһугар барыта 2500 быыбардыыр бюллетень кэллэ. Куоластааһын түмүгэр дьиҥнээҕинэн — 2414 бюллетень, оттон дьиҥэ суоҕунан — 11 бюллетень билинилиннэ.

Праймериз барыллаан түмүгүнэн, улуус үрдүнэн биэс счетнай учаастакка барыта 2425 киһи куоластаата. Дьон кыттыыта 97 % ситиһилиннэ.

Ньурба куорат счетнай учаастагар, Бизнес-инкубаторга, Ньурба куорат, Октябрьскай нэһилиэк, Нефтебаза, Күндээдэ, Араҥастаах, Ньурбачаан, Малдьаҕар, Маалыкай, Хатыы олохтоохторо — барыта 1896 киһи (кыттыы 98,8%) куоластаата. Дьиикимдэ учаастагар — 120 киһи (кыттыы 100%, манна эбии Чуукаар быыбардыыр учаастага киирбитэ), Сүлэҕэ — 102 киһи (кыттыы 85%), Дьаархаҥҥа — 130 киһи (кыттыы 92,9%, бу пууҥҥа Дьаархан уонна Марха куустатын нэһилиэктэрэ киллэриллибиттэрэ), Чаппандаҕа — 177 киһи (кыттыы 88,5%) куоластаатылар.

Куолас ахсаанынан 15 кыттааччы ортотугар бастакы позицияҕа Галина Данчикова — 1548 (63,8%), иккискэ Юрий Куприянов — 1220 (50,3%), үһүскэ биир дойдулаахпыт Светлана Давыдова — 783 (32,3%) таҕыстылар.

Атын кыттааччыларга: Аммосов В.В. — 245 (10,1%), Афанасьев С.М. — 239 (9,9%), Гаврильев Ч.Н. — 504 (20,8%), Гриценко А.П. — 62 (2,6 %), Захаров Е.С. — 105 (4,3%), Кравец Ю.Б. — 62 (2,6%), Лютый В.А. — 58 (2,4%), Николаев А.П. — 258 (10,6%), Петров А.Д. — 123 (5,1%), Соловьева З.Е. — 92 (3,8%), Сусоев А.В. — 169 ( 7,0%), Федоров В.Н. — 138 (5,7%) куолас бэрилиннэ.

Следите за самым важным и интересным в Telegram-канале и WhatsApp-группе ЯСИА