29 Кулун тутар 29.03
  • -14°
  • $ 92,26
  • 99,71

Ньурба куоратыгар киин үөрэх кыһаларын олимпиадата ыытыллыаҕа

17:22, 09 марта 2016
Текст:
Читайте нас на
Яндекс Новости
ЯДВ

Кулун тутар 20-22 күннэригэр Ньурба куоратыгар Россия киин үөрэҕин кыһаларын XI өрөспүүбүлүкэтээҕи предметнэй олимпиадалара ыытыллыаҕа. «Олимпиада кыттыылаахтарын үлэлэрин бэрэбиэркэлээһин саҥалыы барыаҕа. Урукку сылларга үөрэх кыһалара бэйэлэрэ тус-туһунан хамыыһыйалыыр эбит буоллахтарына, быйыл түөрт бөлөҕүнэн ыытыллар олимпиада түмүктэрин Дьокуускайга биир хамыыһыйа таһаарыаҕа», — диэн тэрийээччилэр быһаардылар.


Кулун тутар 9 к. туругунан, математика, химия, история, физика, обществознание, георграфия, информатика, биология, нуучча тылын предметтэригэр ыытыллар олимпиадаларга Ньурба улууһуттан -135, Үөһээ Бүлүүттэн — 36, Бүлүүттэн — 34, Сунтаартан — 84, Горнайтан — 16, Кэбээйиттэн — 13, Ленскэйтэн — 3, Мирнэйтэн -3 уонна Өлүөхүмэттэн — 2 үөрэнээччи кыттара сабаҕаланар. Барыта 40-ча үөрэх кыһата сайаапкаласпыт, ол иһигэр М.К. Аммосов аатынан ХИФУ, ДьТХГА бастакы этааптары ыытыахтара.

Тэрээһин чэрчитинэн, оҕолорго «Билсиһии биэчэрэ» култуурунай-аралдьытар бырагыраама, Россия үрдүк үөрэҕин тэрилтэлэрин, профессиональнай үөрэхтээһин министиэристибэтин, Ньурбатааҕы техникум, нэһилиэнньэ дьарыктаах буолуутун киинин, «Вилюйавтодор» ААО уо.д.а. тэрилтэлэр бэрэстэбиитэллэрин кытта идэҕэ хайысхалыыр көрсүһүүлэр, авиация, ис дьыала министиэристибэтин музейдарыгар экскурсиялар тэриллиэхтэрэ.

Следите за самым важным и интересным в Telegram-канале и WhatsApp-группе ЯСИА