Быйыл Ньурба урбаанньыта Николай Сотников дьиэни сылытарга чоххо итиэннэ маска альтернатива быһыытынан күөх төлөнүнэн сылытыыга холонор. Кини ыгыллыбыт гааһынан биир тыьыынча квадратнай миэтэрэ иэннээх улахан гарааһын сылыттар. Бу туһунан улуустааҕы телестудия суруйар.
Урбаанньыт Николай Сотников гааһынан дьарыктаммыта 1,5 сыл буолбут. Кини улууска маннайгынан гаас сапараапкатын арыйбыт. Былырыын олорор дьиэтин гарааһын, баанньыгын гааска холбоон, кыстыгы этэҥҥэ аһаран, быйыл эксперименин кэҥэтэн, эбийиэгин улаатыннарар санааламмыт.
Ньурбаҕа гаас суоҕун быһыытынан урбаанньыт ыгыллыбыт гааьынан үлэлиир котелу биир тыһыынча квадратнай миэтэрэ иэннээх гарааһыгар туруоруммут, ыйтан ордук бу эбийиэгин күөх төлөнүнэн сылыттан турар.
Билигин ыгыллыбыт гааһы уматык быһыытынан туттууга Ньурбаҕа субсидия көрүллүбэт. Онон чааһынай киһиэхэ сыаналаах буолан тахсар, ол эрэн дьоҕус тэрилтэлэргэ барыыһа ырылхай. Чох, мас атыылаһыыта, котельнай улэһитин тутуу тохтуур.
Николай Сотников эбийиэгин төгүрүк сыл гааһынан сылыттан, кэтээн көрөн баран, инникитин бу саҕалааһынын киэҥ далааһынныыр баҕалаах. Урбаанньыт кэскиллээх дьыалата үтүө түмүктээх буолар түгэнигэр, үгүс дьон дьиэтигэр күөх төлөн киирэр кыахтаныа.
