Ньурба улууһугар тыа хаһаайыстыбатын департаменын субуоккатынан, 9 ый устата улуус үрдүнэн 4477,8 т үүт тутулунна, ол эбэтэр сыллааҕы былаан туолуута 95,2%-ҥа тэҥнэстэ.
Улууска быйыл 4703 т үрүҥ илгэни тутарга сорудах тиэрдиллибитэ. «Байар» уонна «Влада» соҕотуопка тэрилтэлэрин кытта 6 тэриллиилээх хаһаайыстыба, 14 нэһилиэк кэпэрэтииптэрэ уонна 70 бааһынай хаһаайыстыба үүт туттарарга дуогабар түһэрсэн үлэлииллэр. Быйылгыттан Күндээдэ нэһилиэгэр туспа соҕотуопка тэриллэн, нэһилиэк хаһаайыстыбалара киниэхэ үүттэрин туттараллар. Күндээдэ нэһилиэгэр 674,7 т үүт соҕотуопкаланна (93%).
Нэһилиэктэринэн үүт соҕотуопкатыгар маннык үлэлээхтэр: Àкана 187,3 т (83%), Маалыкай 182,8 т (114%), Ньурба к. 38,3 т (137%), Дьиикимдэ 143,9 т (144%), Өμөлдьө 312,4 т (103%), Үөдэй 112,9 т (141%), Дьаархан 379,9 т (102%), Хаμалас 165,2 (72%), Малдьаҕар 37,3 т (138%), Хатыы 75,4 т (137%), Ньурбачаан 168,4 (94%), Октябрьскай нэһилиэк 425,2 т (74%), Сүлэ 366,4 т (120%), Таркаайы 306 т (89%), Түмүк нэһилиэгэ 138,8 т (90%), Хорула 484,3 т (88%), Чаппанда 110,7 т (123%), Чуукаар 168,4 т (91%).
Үүт соҕотуопкатын билгэлээһинигэр олоҕуран, улуус салалтата СӨ Тыатын хаһаайыстыбатын уонна аска-үөлгэ бэлиитикэтин министиэристибэтигэр балаҕан ыйын 15 к. сайаапка суругунан 538 т үүккэ эбии квота бэриллэрин көрдөөн турар. Инньэ гынан бу сыл устата үүт соҕотуопкатын кээмэйэ 5241 т тиийиэхтээх.
