19 Кулун тутар 19.03
  • -6°
  • $ 91,98
  • 100,24

Ньурбаҕа Бүлүү бөлөх нэһилиэктэр тыын боппуруостары дьүүллэстилэр

17:18, 13 декабря 2018
Текст:
Читайте нас на
Яндекс Новости
ЯДВ

Ньурбаҕа Бүлүү улуустарын муниципальнай тэриллиилэрин баһылыктарын уонна бэрэстэбиитэллээх уорганнарын дьокутааттарын зональнай сэминээрэ ыытылла турар. Ыаллыы Бүлүү улуустарыттан уонна Дьокуускайтан элбэх салайааччылар кэлэн кытталлар. СӨ Ил Дарханын уонна Бырабыыталыстыбатын Дьаһалтатын салайааччытын солбуйааччыта Евгений Федоров СӨ Ил Дарханын стратегическай ыйаахтарын олоххо киллэриигэ барар үлэлэр уонна инники соруктар тустарынан сиһилии билиһиннэрдэ.


Бүгүн Бүлүү бөлөх улуустар баһылыктара Ньурбаҕа муһуннулар. СӨ муниципальнай тэриллиилэрин Сэбиэтин бэрэссэдээтэлэ Анатолий Кистенев 2019 с. олохтоох салайыныы уорганнарын соруктарын туһунан иһитиннэрдэ. Салгыы СӨ Стратегическай чинчийиилэрин Киинин салайааччытын солбуйааччыта Александр Федотов, Үп министиэристибэтин бүддьүөттэр икки ардыларынааҕы департаменын салайааччыта Дарья Романова, экология, айылҕаны туһаныы уонна ойуур хаһаайыстыбатын миниистирин 1-кы солбуйааччыта Семен Яковлев, Тыа хаһаайыстыбатын министиэристибэтин сүөһү иитиитигэр департаменын салайааччыта Артем Александров, СӨ МТ баһылыктарын Сэбиэтин толорооччу дириэктэрэ Дмитрий Горохов уо.д.а. тустаах салааларынан иһитиннэриилэри оҥордулар.

Саамай элбэх ыйытыы нэһилиэктэр бүддьүөттэрин хааччыллыыларын тэҥнээһиҥҥэ, үп-харчы көрүллүүтүн нормативын үрдэтиигэ, Бүлүү өрүс киртийиитигэр, дьону иһэр уунан хааччыйыыга, экологияҕа, ойуур баһаардарыгар, ТХМ граннарыгар куонкурустарга кыттыыга сыһыаннаан киирдэ. Сэминээргэ «Бастыҥ муниципальнай быраактыка» дискуссионнай былаһаакка тэрилиннэ. «Сунтаар улууһун Аллаҥа нэһилиэгин төрүччүтүн оҥоруу», «Үөһээ Бүлүү саамай ыраах, суола-ииһэ суох Туобуйа нэһилиэгин олоҕо», «Бүлүү улууһун Тааһаҕар нэһилиэгэ араас граннарга, куонкурустарга кыттыыта», «Ньурба улууһун кыра Үөдэй нэһилиэгэр уопсастыбаннай үлэни тэрийии модела» уонна «Ньурба улууһугар нэһилиэнньэ сорох категорияларын олорор усулуобуйаларын тупсарыыга муниципальнай бырагыраама» диэн тиэмэлэринэн үлэлэрин билиһиннэрдилэр.

Атын улуустарга нэһилиэктэр хайдах тэринэн үлэлээн-хамсаан олороллорун сэминээр кыттыылаахтара сэргии иһиттилэр. Улахан кэрэхсэбили Ньурба улууһун баһылыгын социальнай боппуруостарга солбуйааччыта Анна Уларова дойдуга ханна да суох, тыыл бэтэрээннэрин уонна 1 группалаах инбэлииттэр дьиэлэрин улуус үбүттэн хапытаалынайдык өрөмүөннээһин бырагырааматын туһунан иһитиннэриитэ ылла. Сэминээр сүрүн чааһа түмүктэнэн, баһылыктар спартакиадалара саҕаланна.

Ааптар: Геннадий Антонов

Следите за самым важным и интересным в Telegram-канале и WhatsApp-группе ЯСИА