Махтал суруктары өрөспүүбүлүкэ үс оскуолата тутуоҕа диэн СИА-ҕа Новосибирскай судаарыстыбаннай университетын идэтийбит үөрэтэр-научнай киинин пресс-сулууспата иһитиннэрдэ.
НГУ СУНЦ (Новосибирскай физматоскуолата) бу үөрэх кыһатыгар үөрэнээччилэрэ туттарсан киирбит оскуолаларга махтал суруктары ыытта. Сурук Арассыыйа уонна Казахстан 211 оскуолатыгар туһуланар.
Дьокуускайга махтал суруктары үс оскуола педагогтара ылыахтара: Куораттааҕы классическай гимназия, Н.О.Кривошапкин аат. 5 №-дээх оскуола уонна Л.А.Колосова аатынан 33 №-дээх оскуола.
Быйыл Новосибирскайдааҕы физматоскуолаҕа араас регионнартан 300 оҕо киирбитэ. Манна киирэр туһугар оҕолор үс нэдиэлэ үөрэммиттэрэ уонна сайыҥҥы оскуолаҕа түмүктүүр эксээмэн туттарбыттара. Онон Академкуоракка 670 үрдүкү кылаас үөрэнээччитэ туттарса кэлбитэ. Үөрэххэ киирбит оҕолор учууталларыгар махтаннылар. Онон Новосибирскай физматоскуолатын салалтата эмиэ оҕолору үөрэппит учууталларга махталын биллэрдэ.
