“Норд Голд” тэрилтэ лицензиятын тохтоттулар

“Норд Голд” ХЭТ кыһыл көмүһү хостуур тэрилтэ лицензиятын туһаныллыытын тохтоттулар. Хампаанньа уонна дуоһунастаах дьон ыстарааптаннылар, көмүһү хостооһуҥҥа лицензиялара тохтотулунна, диэн СИА Саха сирин борокуратууратын ссылкатыгар олоҕуран иһитиннэрэр.

Өрөспүүбүлүкэ борокуратууратын сорудаҕынан Алдан оройуонун борокуратуурата исписэлиистэри кытыннаран,  Эльконка үрэх уонна Рэдэрги үрүйэ киртийиитин туһунан иһитиннэриини бэрэбиэркэлээтилэр.

Тэрилтэ лицензия ирдэбиллэрин уонна баайдаах сири баһылааһын тэхиньиичэскэй бырайыагын кэспитэ билиннэ. Көмүһү хостооһун геология бастакы ирдэнэр докумуона суох ыытыллыбыт. Маны сэргэ бу тэрилтэ 48 тиити көҥүлэ суох кэрдибит, ойуур хаһаайыстыбатыгар 72 тыһыынча солк. хоромньу тахсыбыт.

Хампаанньаҕа борокуруор бэрэбиэркэтин туһунан сурук ыытылынна. Юридическай сирэй уонна буруйдаахтар административнай эппиэккэ тардылыннылар, кинилэри 500 тыһыынчаттан тахса солк. ыстарааптаатылар. Алданнааҕы айылҕа харыстабылын боротокуолунан хампаанньа уонна дуоһунастаах киһи өссө эбии 90 тыһ. солк. ыстарааптаннылар.

Боломуочуйалаах уорган Рэдэргэ үрүйэ баайдаах сиригэр  лицензия усулуобуйата кэһиллибитинэн “Норд Голд” ХЭТ лицензията туһаныллыытын тохтотто.

This post was published on 15.10.2018 16:18 16:18