28 Кулун тутар 28.03
  • -11°
  • $ 92,59
  • 100,27

Ноговицыннар турнирдарын муҥутуур кыайыылааҕа икки тыһыынча доллары ылыаҕа

11:24, 07 ноября 2019
Текст:
Читайте нас на
Яндекс Новости
ЯДВ

Бырааттыы Ноговицыннар бириистэригэр хапсаҕайга республикатааҕы турнир чемпиона икки тыһыынча доллары, ол эбэтэр 126 тыһыынча солкуобайы ылыаҕа. Күрэхтэһиигэ Саха сирин бастыҥ бөҕөстөрө кытталлара күүтүллэр. 


Бырааттыы Ноговицыннар бириистэригэр турнир Дьокуускай куоракка «Модуҥҥа» сэтинньи 9-10 күннэригэр ыытыллар. Күрэхтэһии «А» кылааһынан барар, ол эбэтэр бириистээх миэстэни ылбыттар СӨ спордун маастара ааты ылыыга очукуолары сурунар кыахтаахтар. Тустуу «Үс иилээх хапсаҕай» быраабылатынан ыытыллар, эр дьон ортотугар алта ыйааһыҥҥа.

Икки муҥутуур кыайыылааҕы быһаарыахтара: 75 киилэҕэ диэри уонна онтон үөһэ ыйааһыҥҥа. Тэрийээччилэртэн биирдэстэрэ Михаил Ноговицын эрдэ СИА-ҕа иһитиннэрбитинэн, 75 киилэттэн үөһэ ыйааһыҥҥа чемпионнаабыкка Дьааҥы оройуонун дьаһалтата 1000 доллар туттарыахтаах эбит буоллаҕына, билигин ити суума икки бүк улаатта.

Кыра ыйааһыннаахтарга эмиэ муҥутуур кыайыылааҕы быһаарыы балаһыанньаҕа эбилиннэ. Чемпион Ноговицыннар күтүөттэриттэн МР-155 сааны ылыыга сэртипикээт тутуоҕа.

Следите за самым важным и интересным в Telegram-канале и WhatsApp-группе ЯСИА