20-с үбүлүөйдээх «Большой приз Тольятти» Россия компакт-спортиҥҥа Кубогар Россия спордун маастара, Кэбээйи улууһун ытааччыта Николай Кобяков кыайан, күрэх сүрүн бирииһин Chevrolet Niva күлүүһүн тутта. Бу туһунан Спорт Якутии. кэпсиир.


Күрэххэ 200-тэн тахса киһи кыттыбыт. Кобяковтан ураты Саха сирин хамаандатыттан абсолютнай бастааһын иһин күрэххэ эдэр ытааччы Рамир Николаев бастаата. Үрүҥ көмүс бэлиэни спорт маастарыгар хандьыдаат нуорматын толорон, Николай Федотов ылла. Орто Халыматтан Иван Ли-Фу-Сай спорт маастарыгар хандьыдаат нуорматын толордо.

Хамаанданан күрэххэ Саха сирин ытааччылара Николай Кобяков, Артур Николаев уонна Альберт Кузьмин үрүҥ көмүс мэтээли ыллылар.

“Үчүгэй күрэх ааста. Хамаанда бэккэ кытынна дии саныыбын. Ордук 15 саастаах Рамир Николаев 189 сыалы ыппыта чаҕылхай көрдөрүү буолар. Коля Федотовы уонна Ваня Ли-Фу-Сайы спорт маастарыгар хандьыдаат нуорматын толорбутарынан эҕэрдэлиибин. Бу сайын элбэх күрэх күүтэр. Кыах баарынан кыттар баҕалаахпыт», – диэн Николай Кобяков санаатын үллэһиннэ.

Сиһилии манна аах https://ysia.ru/yakutskij-strelok-nikolaj-kobyakov-vyigral-bolshoj-priz-tolyatti-emu-vruchili-klyuchi-ot-shevrolet-niva/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.