Нерюнгри 24 №-дээх лиссиэйин быйылгы выпускнига, СӨ наукаҕа аччыгый Академиятын чилиэнэ Никита Гуреев «Большие вызовы» диэн бүтүн Россиятааҕы научнай-технологическай бырайыактар куонкурустарыгар кыайан Н.Э. Бауман аатынан дойду биир бастыҥ университетыгар үөрэнэргэ ыҥырыы тутта. Бу туһунан СИА иһитиннэрэр.
Никита сэттис кылаастан программированиенан, робототехниканан утумнаахтык дьарыктанар. Быйыл араас куонкурустарга, быыстапкаларга кыттан кыайыылаах үрдүк аатын сүкпүтэ. Бөлөҕүнэн «Profest» диэн норуоттар икки ардыларынааҕы күрэххэ роботтары таҥаннар, Москва куоракка бириистээх миэстэлэргэ тиксибиттэрэ. Ханыылыы араас хакатоннарга кыттыбыта.
««Большие вызовы» күрэххэ кыттыым миэхэ биир бастыҥ уопутум буолар. Куонкурус сыл аҥарын быһа барбыта. Бастаан куорат иһинээҕи түһүмэҕи ааһан, Өктөмнөөҕү наука аччыгый Академиягар тиийэн, 12 киһилээх хамаанданан биир нэдиэлэ иһигэр «Кубсат» кылаастаах спутнигы таҥмыппыт. Үөрүөхпүт иһин үлэбит күрэххэ үһүс миэстэни ылта. Салгыы хамаандаттан алта киһи араас тургутугу ааһан, Сочи куоракка буолар тиһэх түһүмэххэ көппүппүт. Космос эйгэтигэр сыһыаннаах үлэбит бастакы миэстэни ылан, Бауман аатынан Москватааҕы техническэй университекка ыҥырыы туттум», — диэн Никита Гуреев үөрүүтүн үллэстэр.
Сиһилии манна аах https://ysia.ru/shkolnik-iz-neryungri-poluchil-priglashenie-na-tselevoe-obuchenie-v-baumanku/
