Кэбээйи балыксыттара Ньидьили күөл соботун элбэтэр туһуттан балык ыамын анал сиргэ ыырын тэрийдилэр. Бу туһунан СИА иһитиннэрэр.
Олохтоохтор маннык экология министиэристибэтин этиитинэн дьаһаннылар. Аҕыйах хонугунан балык ыамата анал сиргэ үөскээбитин бэлиэтээтилэр. Бу курдук дьаһаныы балык ыама уу түһүүтүттэн-тахсыытыттан, биэрэккэ бырагыллан өлүүтүн аччатар туһуттан тэрилиннэ. Үтүө холобуру балыгынан анаан дьарыктанар промышленнай тэрилтэлэр сылын аайы үтүктүөхтэрин сөбүн туһунан эттилэр.
