29 Кулун тутар 29.03
  • -11°
  • $ 92,26
  • 99,71

НХМ уонна Опера уонна балет тыйаатырын салайааччыларын аһаҕас куонкурус түмүгүнэн талыахтара

16:32, 08 августа 2019
Текст:
Читайте нас на
Яндекс Новости
ЯДВ

Национальнай художественнай түмэл уонна Опера уонна балет судаарыстыбаннай тыйаатырын салайааччыларын аһаҕас куонкурус түмүгүнэн талыахтара. Куонкурус быйыл балаҕан ыйыгар ыытыллыаҕа диэн Айсен Николаев“Якутия, вперед!” биэриигэ иһитиннэрдэ.


“Култуура тутаах тэрилтэлэригэр аһаҕас куонкурустары ыытыахха наада дии саныыбын”, – диэн Ил Дархан.

Бу куонкуруска атын регионнартан эмиэ кыттыахтарын сөп. Куонкуруһу Россия бэрэсидьиэнин иһинэн стратегическай көҕүлээһин Ааҕыныстыбатын кытта ыытыахтара. Куонкурус хас даҕаны түһүмэхтээх буолуоҕа. Түмүк алтынньы саҕаланыытыгар биллиэҕэ.

“Миниистирдэр дуоһунастарыгар бу курдук саҥа ньыманан дьону көрдүүр буолуохпут диэн эрэнэбин. Оччоҕо биһиги өрөспүүбүлүкэбитигэр элбэх үтүөнү оҥоруон сөп көхтөөх, талааннаах дьону тардыахпыт”,- диэн Айсен Николаев бэлиэтээн эттэ.

Источник: http://nvk-online.ru

Следите за самым важным и интересным в Telegram-канале и WhatsApp-группе ЯСИА
Тутаах тыллар