Полиция үлэһиттэрэ алтынньы 13 күнүгэр нэдиэлэ аннараа өттүгэр сүппүт кыыс өлүгүн Хатыҥ Үрэххэ буллулар.
Силиэстийэ быһаарбытынан, алтынньы 6 күнүгэр 20 саастаах Дьокуускай куорат олохтооҕо Хатыҥ Үрэххэ олорор билэр киһитигэр ыалдьыттыы тиийбит.
Эдэр киһи уонна кыыс иирсибиттэр. Иирсии кэмигэр эр киһи сүгэнэн төбөҕө охсубут уонна өлүгү даача учаастагар таһааран кистээбит.
Уорбалааччы кимин-тугун быһаардылар, кини буруйун толору билиммит.
Холуобунай дьыаланы чинчийии бара турарын туһунан РФ силиэстийэлиир кэмитиэтин Саха сиринээҕи управлениетын салайааччытын көмөлөһөөччү Надежда Дворецкая эттэ.
