Нам улууһун киин балыыһата бэҕэһээ «Суһал көмө» массыынатын уонна дьон олоҕун тупсарыыга олус наадалаах медицинскай оборудованиелары тутта. Кылаабынай быраас биир дойдулаахтарыгар махталын биллэрдэ.
Нам улууһун дьаһалтатын баһылыга Юрий Слепцов олохтоох балыыһаҕа медицинскэй оборудованиелары үөрүүлээх быһыыга-майгыга туттарда.
Нам улууһун депутата, «КОЛМИ» ХЭТ генеральнай директора Наталья Румянцева дьиэ кэргэнэ дьаҥ утары муҥутуур эрэһиимҥэ үлэлии сылдьар Намнааҕы киин балыыһаҕа сабыс-саҥа «Суһал көмө» массыына бэлэх уунна.
Кылаабынай быраас Ариан Сергеев кэлэктиип аатыттан истиҥник махтанна. «Бу бэлэхтэр дьоммут-сэргэбит доруобай, чөл буолалларын туһугар туһаныллыахтара», — диэн эттэ кини.
