Нам улууһугар тыа хаһаайыстыбатын управлениетын балаҕан ыйын 10 күнүнээҕи иһитиннэриитинэн, барыта 23657 га охсулунна, 24049 тн от бэлэмнэннэ. Уопсай былаантан 78,96% туолла. Ходуһаҕа 525 тыраахтар, 434 звено, о.и. 232 — механизированнай, 187 — полумеханизированнай, 6 көлө-илии, 9 — илии звенолара, 1103 киһи үлэлии-хамныы сылдьар. Былырыын баччаҕа 24818 тн бэлэмнэммитэ, биир нэдиэлэ устата халлаан туран биэрэн, 1281 тн эбии чөкөтүллэн сыллааҕы сорудах туолуута 81,5% тэҥнэспитэ. Сыллааҕы былааннарын Никольскай — 92%, Хамаҕатта — 93%, Хатыґ Арыы — 91%, Түбэ — 117%, Арбын — 99%, Көбөкөн — 104%, Фрунзе — 100%, Салбаҥ — 97%, Ленскэй — 95% толороннор инники күөҥҥэ сылдьыбыттара. Бөтүҥ — 58%, Хатырык, Маймаҕа — 64% оттооннор, бытаарыыны таһаарбыттара. 


Нэһилиэктэр былааннарын толорууларын көрдөххө: Үөдэй 89,2% (былаан — 2499 тн — оттоммута — 2229 тн), I Хомустаах 80,94% (былаан — 2162 тн-1750 тн), Партизан 65,5% (2098 тн-1375 тн), Никольскай 76,8% (1124 тн-863 тн), Хамаҕатта 73,27 % (2110 тн-1546 тн), Хатыҥ Арыы 82,15% (3502 тн-2877 тн), Бөтүҥ 76,3% (1848 тн-1410 тн), Модут 80% (2499 тн-1999 тн), Хатырык 75,3% (1678 тн-1264 тн), Маймаҕа 68,1% (382 тн-260 тн), Түбэ 104,3% (1424 тн-1485 тн), Арбын 84,6% (1088 тн-920 тн), Көбөкөн 78,97% (913 тн-721 тн), Фрунзе 88,65%, (370 тн-328 тн), II Хомустаах 73,4% (2327 тн-1708 тн), Искра — 93,14 (685 — 638 тн), Таастаах 62,94%, (1047 тн-659 тн), Салбаҥ 76,4% (1548 тн-1182 тн), Ленскэй 72,4% (1154 тн-835 тн) толордулар. Сыыппаралар көрдөрөллөрүнэн, Үөдэй, Түбэ, Искра, Фрунзе нэһилиэктэрэ сыллааҕы былааннарын чугаһаттылар. Партизан, Маймаҕа, Таастаах нэһилиэктэрэ сыллааҕы сорудахтарын 60-тан тахса бырыһыан оттооннор улахан хаалыылаах иһэллэр.

Уопсай улуус ТХПК-ларын туспа таһаардахха, 23 тыраахтар, 7 звено (4 — механизированнай, 3 — механизированнай аҥардаах), уопсайа 52 киһи ходуһаҕа үлэлиир. 1634 га сир охсуллубут, 1640 тн от кэбиһиллибит, рулоннаммыт, уопсай былаантан — 71,84% туолбут.

Бааһынай хаһаайыстыбаларга уопсайа 141 тыраахтар, 109 звено (82 — механизированнай, 20 — механизированнай аґардаах, 5 — көлө-илии, 2 — илии звенолара), уопсайа 332 киһи ходуһаҕа үлэлииллэр. 8648 га сир охсуллубут, 9431 тн от кэбиһиллибит, рулоннаммыт, уопсай былаантан — 76,99%.

Кэтэх хаһаайыстыбаларга уопсайа 361 тыраахтар, 318 звено (146 — механизированнай, 164 — механизированнай аґардаах, 1 — көлө-илии, 7 — илии звенолара), уопсайа 719 киһи ходуһаҕа оттуур. 13375 га сир охсуллубут, 12978 тн от кэбиһиллибит, рулоннаммыт, уопсай былаантан — 81,65%.

Ааспыт нэдиэлэҕэ да ардахпыт тохтообото. Өссө нэдиэлэ иккис аҥарыттан хаһыҥнаата, халлааммыт биллэ тымныйан, эмиэ күчүмэҕэйдэри үөскэттэ, тыа дьонун үрүҥ хараҕын өрө көрдөрбөтө.

Улуус үрдүнэн сиилэһи бэлэмнээһин былаана — 970 тн. Бу күннэргэ улуус үрдүнэн 575 тн сиилэс бэлэмнэннэ. Ол иһигэр, ТХПК-лар сыллааҕы былааннара — 800 тн; туолуута — 500 тн; бааһынай хаһаайыстыбалар былааннара — 170 тн; туолуута — 75 тн. Нэһилиэктэринэн ылан көрдөххө, I Хомустаах 300 тн былааннааҕыттан, кэккэ биричиинэлэринэн 1 да тн бэлэмнии илик; Хамаҕатта — 170 тн былааннааҕын 75 тн; Бөтүҥ 500 тн былааннааҕын 100% толордо.

Ааптар: А. КОРЯКИНА, «Эҥсиэли» хаһыат, Ulus.Media сайт

Хаартыска интернеттэн.

0
0
comments powered by HyperComments