Уус Алдантан төрүттээх, чэпчэки атлетикаҕа норуоттар ыккардыларынааҕы кылаастаах спорт маастара Надежда Гоголева Арассыыйаҕа суукканы быһа сүүрүүгэ чөмпүйэнээккэ үрүҥ көмүс мэтээли ылары ситистэ. 24 чаас устата Надежда 245 км сүүрдэ. Кини бу көрдөрүүтүнэн Саха сирин саҥа рекордун олохтоото.
Суукканы быһа сүүрүүгэ Надежда Гоголева бастакы холонуута. Урут кини марафоҥҥа (42 км) уонна сверхмарафоҥҥа (100 км) кыттыбыт уопуттаах. Надежда суукканы быһа сүүрүүгэ бастакытын кыттаат, Саха сирин саҥа муҥутуур үрдүк ситиһиитин сыалай 45 килэмиэтири эбэн, олохтоото. Арассыыйаҕа ити көрдөрүү 247 км тэҥнэһэр.
Надежда күрэхтэһиигэ уопуттаах ультрамарафонецтар кыттыбыттарын, тренерынаан Татьяна Жирковалыын түмүктэринэн дуоһуйалларын биллэрэр.
