СМИ-гэ, социальнай ситимнэргэ эдэр дьахтар икки оҕону кытта муус барыытын кэмигэр муустан мууска ыстаҥалаһар видеоустуу  тарҕаммыта. Бу дьайыынан Саха сирин полицията бэрэбиэркэ ыытта диэн СИА-ҕа, регион ИДьМ пресс-сулууспата иһитиннэрдэ.


Мууска ыстаҥалааһын дьайыыта Саха сиригэр буолбатаҕа билиннэ.

Интернеккэ угуллубут видеоустууну ИДьМ Саха сиринээҕи салаата үөрэттэ уонна дьайыы Архангельскай уобалас Үрүҥ муора биэрэгэр устуллубута бигэргэннэ.

Северодвинск куорат 41 саастаах олохтооҕо бу кини оҕото уонна билэр дьахтара оҕотунаан буоларын бигэргэттэ. Биэрэк устун күүлэйдии сылдьан, муора кытылыгар «кэрэ көстүүнү» көрөн устарга санаммыттар.

Хомуллубут матырыйаал өрөспүүбүлүкэ прокуратуратыгар уонна силиэстийэлиир уоргаттарга ыытылынна.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.