“Тобуруокап көмүс күһүнэ” буолар кытылын Марк Жиркову кытта ситимнииллэр этэ. Ким өйдүүрүй? Онно төрөөбүт дии саныырым, онтум Бүлүү куоракка күн сирин көрбүт диэн суруллар, диэн СИА-ҕа сахалыы Бикипиэдьийэ дьаһабыла, мэдиссиинэ билимин хандьыдаата Николай Павлов иһитиннэрэр.
Бүгүн, муус устар 8 күнүгэр, 1892 сыллаахха саха бастакы идэтийбит композитора, Саха АССР уонна РСФСР искусствотын үтүөлээх үлэһитэ Жирков Марк Николаевич төрөөбүт. Бу туһунан сахалыы Бикипиэдьийэҕэ суруллар. Сиһилии https://sah.wikipedia.org/wiki/Жирков_Марк_Николаевич.
Санатар эбит буоллахха, «Тобуруокап көмүс күһүнэ» Үөһээ Бүлүү Намыгар сыл ахсын ыытыллар.
Маны сэргэ бүгүн Арассыыйаҕа ПВО (салгынтан көмүскэл) сэриилэрин күнэ.
🔹1917 — Саха АССР норуодунай, үтүөлээх артыыһа, мелодист Христофор Максимов төрөөбүт күнэ.
🔹1957 — Саха Сиринээҕи территориальнай геология управлениета тэриллибит.