1923 сыллаахха муус устар 6 күнүгэр Саха АССР бырабыыталыстыбата Алдаҥҥа Томмот уонна Орто Салаа үрэхтэригэр Вольдемар Бертин уонна хайа маастара Кузьма Низковских баһылыктаах көмүс көрдүүр бөлөҕү ыыппыт. Бу сыл сайыныгар Вольдемар Бертин уонна бу эргин олохсуйбут саха Михаил Тарабукин Незаметнай үрэҕэр кыһыл көмүс булаллар, Алдан куората олохтонор. Бу Саха сиригэр бырамыысыланнас хайысхатыгар бастакы хардыылартан биирдэстэрин быһыытынан билиниллэр.
Бэлиэ күннэр
- ХНТ — Спорт сайдыыны уонна эйэни кэрэһэлиир аан дойдутааҕы күнэ
- Тартаан күнэ. Шотландияттан төрүттээхтэр элбэх дойдуларыгар бэлиэтэнэр. Бастаан 1980-с сс. Канаадаҕа бэлиэтэнэр эбит. Бу күн 1320 сыллаахха Арброт декларацията тахсыбыт — Шотландия бароннара Риим паапатыгар дойдулара Англияттан тутулуга суох буолуута дириҥ устуоруйалааҕын суруйбуттар. Тартаан диэн быһа охсуһар араас өҥнөөх дьураалардаах ойуулаах таҥас, үксүн шотландка диэн ааттанар.
- Арассыыйа — Силиэстийэлиир уорганнар үлэһиттэрин күнэ
- Таиланд — Чакри күнэ
- Соҕуруу Африка — Олохтооччулар күннэрэ
Түбэлтэлэр
- 1199 — Францияны кытта сэриигэ Ричард Хахай Сүрэх өлбүт, Англия хоруола.
- 1652 — Соҕуруу Африкаҕа Кейптаун куорат төрүттэммит. Ян ван Рибек диэн голландец төрүттээбитэ. Соҕуруу Африкаҕа Европаттан төрүттээхтэр аан бастааан олохсуйбуттар.
- 1920 — Дальневосточнай Өрөспүүбүлүкэ төрүттэммит. Киинэ Верхнеудинскай (Улан-Удэ) куоракка буолбут. СЭбиэскэй Арассыыйа ыам ыйын 14 күнүгэр бу дойдуну билиммит.
- 1923 — Саха АССР бырабыыталыстыбата Алдаҥҥа Томмот уонна Орто Салаа үрэхтэригэр Вольдемар Бертин уонна хайа маастара Кузьма Низковских баһылыктаах көмүс көрдүүр бөлөҕү ыыппыт. Сайын Вольдемар Бертин уонна бу эргин олохсуйбут саха Михаил Тарабукин Незаметнай үрэҕэр кыһыл көмүс булбуттара, Алдан куората олохтоммута.
- 1930 — ССРС-ка Ленин, Кыһыл Сулус уордьаннара олохтоммуттар.
- 1952 — Чингиз Айтматов аан бастакы айымньытын «Газетчик Дзюйдо» кэпсээнин «Комсомолец Киргизии» хаһыакка таһаартарбыта.
- 2010 — Кыргызстааҥҥа өрөбөлүүссүйэ саҕаламмыт. Дойду бэрэсидьиэнин Курманбек Бакиев ыыппыт бэлиитикэтин утаран Талас куоракка дьон уулуссаҕа тахсыбыт. Сарсыныгар муус устар 7 күнүгэр айдаан Бишкекка тарҕаммыта. Бырачыастааччылар полициялыын кыргыhыылара буолбута. 74 киhи өлбүтэ уонна 400 эчэйбитэ биллэр. Токмок, Нарын уонна Ысык Күөл куораттарга айдааннар эмиэ буолбуттара. Бакиев Бишкектан күрээбитэ. Оппозиция басханнара саҥа дьаhалта тэрийэллэр, дьаhалта баhылыгынан урукку омук миниистирэ Роза Отунбаева буолар.
- 2010 — Кытайга Xiaomi хампаанньа тэриллибит.
Төрөөбүттэр
- 1954 — Раиса Захарова (05.01.2013 өлб.) — саха норуодунай артыыһа.
- 1961 — Саргылана Никитина — Саха сиригэр көскө кэлбит дьону, ол иһигэр татаардары уонна башкиирдары, Өлүөхүмэҕэ уонна Ньурбаҕа олохтоох салайыныы устуоруйаларын чинчийэр учуонай, устуоруйа билимин хандьыдаата.
Өлбүттэр
- 1528 — Албрехт Дүрер, ньиэмэс аатырбыт график уруhуйдьута
- 1961 — Жюль Борде (фр. Jules Jean-Baptiste Vincent Bordet, 1870 с.т.) — Бельгия бактериолога уонна иммунолога. Нобель бириэмийэтин физиологияҕа уонна мэдиссиинэҕэ 1919 сыллааҕы лауреата.
- 1980 — Семен Курилов — биллиилээх дьүкээгир суруйааччыта, аан дойдуга аатырбыт «Ханидоо уонна Халерхаа» роман ааптара.
