Бүгүн сорох дойдуларга Иккис Аан дойду сэриитин саҕана Утарсыы хамсааһыныгар аналлаах күнү бэлиэтииллэр. Ол туһунан Бикипиэдьийэҕэ бэлиэтэммит.
Муус устар 10 күнүгэр II Аан дойду сэриитин саҕана нацистыы Германия уонна кини союзниктара былдьаабыт сирдэригэр тэриллибит былааһы утарсар хамсааһыны бэлиэтииллэр. Араас көрүҥнээх этэ: былаас дьаһалын толорбот буолуу (гражданское неповиновение), пропаганда, тэрилтэлэргэ сабатаас уонна диверсия, күрээбит билиэннэйдэргэ, сууллубут лүөччүктэргэ көмө, Холокост сиэртибэлэрин быыһааһын, сэбилэниилээх утарсыы. Ордук далааһыннаах хамсааһын ССРС, Польша, Югославия уонна Греция сирдэригэр, уонна Арҕаа Европаҕа Италияҕа баар этэ. Европаҕа «үлэлиэхтээх» туһунан этэрээттэр Улуу Британияҕа тэриллибиттэрэ. Оннук этэрээт 1942 сыллаахха Богемия уонна Моравия имперскэй протекторыгар Р. Гейдрихха саба түспүтэ.
🔹1855 — Саха сиринээҕи биэксэл оскуолатын төрүттээччи В. И. Вонгродскай төрөөбүт.
🔹1894 сыллаахха Лудза куоракка (билигин Латвия) Саха сиригэр Гражданскай сэрии кыттыылааҕа Иван Строд төрөөбүт.
🔹1922 — Үөһээ Бүлүү Хомустаах нэһилиэгэр Габышев Николай Алексеевич (1922—1991) саха суруйааччыта, тылбаасчыт, суруналыыс, үөрэх мэтэдьииһэ төрөөбүт.
🔹1925 сыллаахха Царицын куорат аата Сталинград диэн буолбут.
🔹1928 — Ленскэй оройуон Бэтинчэ нэһилиэгин Курум сэлиэнньэтигэр тыйаатыр артыыһа Татьяна Мыреева төрөөбүт.
🔹1932 — Уу көлөтүн норуот хамыһаарын № 139 бирикээһинэн Дьокуускайдааҕы өрүс техникума аһыллыбыта.
🔹1957 с. ССРС Наукатын Академиятын Сибиирдээҕи филиалын Геология институута олохтоммут. 2000 с. атырдьах ыйыттан — Алмаас уонна күндү тимирдэр институуттара (НА Сибиирдээҕи салаатыгар киирэр).
Бу күн туһунан сиһилии манна сигэн:
https://sah.wikipedia.org/wiki/Мыреева_Татьяна_Ивановна
