Муома оройуонун Сааһыыр сэлиэнньэтиттэн чугас сүппүт бөртөлүөтү көрдүөхтээх быыһыыр бөлөх көтүүтүн халлаан туругуттан сылтаан 14 чааска көһөрдүлэр. СИА-ҕа иһитиннэрбиттэринэн, тохтообокко түһэ турар хаартан сылтаан көрдөөһүн кыаллыбакка турар.
СИА-ҕа Халыматааҕы көрдүүр-быыһыыр этэрээт начаалынньыга Алексей Тарасов иһитиннэрбитинэн, бөртөлүөт баар сиригэр көтүүнү күн-дьыл туруга мэһэйдиир. “Хайаҕа көтөр усулуобуйа өссө да суох. Сиринэн көрдүүр бөлөх биллэрбитинэн, хаар 50-60 см халыҥнаах, төһө да тыал намыраан эрэрин үрдүнэн, хаар түһэрэ тохтообот”, — диэтэ кини.
Сааһыыр сэлиэнньэтин баһылыга Павел Мараказов хойуу хаартан сылтаан хайа көстүбэт, салгын температурата 0 кыраадыс, диэн эттэ.
