19 Кулун тутар 19.03
  • -10°
  • $ 91,98
  • 100,24

«Мульти-консоль» түмүктэри тута булар

17:45, 05 апреля 2018
Текст:
Читайте нас на
Яндекс Новости
ЯДВ

Муус устар 6 күнүгэр өрөспүүбүлүкэтээҕи 2 №-дээх балыыһа—Суһал медицинскэй көмө киинин эпэрээссийэлиир отделениета 35 сылын туолар.


Информационнай технологиялар билигин олох араас эйгэтигэр, ол иһигэр медицинаҕа, ситиһиилээхтик туһаныллаллар.

Эмчиттэр ыарыһах туругун ыраахтан олорон кэтээн көрөллөрүттэн уонна хонтуруоллуулларыттан билигин ким да соһуйбат. Биһиги исписэлиистэрбит улуустардааҕы эмтиир быраастары кытары тиһигин быспакка сибээстэһэллэр.

Исписэлиискэ киирэргэ электроннай ньыманан суруйтарыы күннээҕи көстүүгэ кубулуйда. Медицина өрөспүүбүлүкэтээҕи кииннэрин сүрүннүүр исписэлиистэрэ телемедицина көмөтүнэн Дьокуускайтан ыраах сытар нэһилиэнньэлээх пууннар олохтоохторугар сүбэ-ама биэрэллэр.

Быраастар информационнай технологиялар көмөлөрүнэн үлэлииргэ туһалаах саҥа технологиялар, чинчийиилэр тустарынан иһитиннэриилэри билэ олороллор, атын куораттарга баар биир идэлээхтэрин кытары үөрүйэхтэрин атастаһаллар.

Өрөспүүбүлүкэтээҕи 2 №-дээх балыыһаҕа доруобуйа харыстабылыгар киллэриллэр саҥа тиэхиньикэлэри кэтээн көрөллөр, үөрэтэллэр, боруобалыыллар уонна туһалааҕа дакаастаннаҕына, төһө кыалларынан, атыылаһан тутталлар.

Соторутааҕыта балыыһа быраастарыгар көмөлөөх өссө биир «өйдөөх» аппараат баар буолла. Ол курдук, эпэрээссийэ оҥорор саалалартан биирдэстэрин эркинигэр туруоруллубут «Мульти-консоль» ыарыһах эпэрээссийэ иннинэ балыыһаҕа оҥорторбут түмүктэрин булар кыахтаах. Онон, бу аппараат быраас бириэмэтин ылбат уонна эмтиир кэмҥэ уларытыылары киллэрэргэ көмөлөһөр. Ыарыһах рентген, МРТ, КТ, УЗИ, ФГДС курдук аппарааттарга түспүтүн хирург, наада буоллаҕына, эпэрээссийэ кэмигэр булан арыйыан сөп. Саҥа тиэхиньикэҕэ үлэлииргэ номнуо үөрэммит хирурдар бары сотору кэминэн бу аппараат үлэтин сыаналыыр кыахтаныахтара. Аппараат көдьүүстээҕэ, табыгастааҕа бигэргэннэҕинэ, балыыһа салалтата быйыл өссө биир итинник аппарааты атыылаһарга бэлэм.

Следите за самым важным и интересным в Telegram-канале и WhatsApp-группе ЯСИА