28 Кулун тутар 28.03
  • -13°
  • $ 92,59
  • 100,27

Москва хаартыскаҕа түһэрээччитэ Саха сирин айылҕатын кэрэ көстүүлэрин үйэтиттэ

Читайте нас на
Яндекс Новости
ЯДВ

Москваҕа биллэр фотограф Сергей Карпухин «Якутия. Неизвестная земля» диэн кинигэни таһаарда. Альбомҥа Саха сирин туһунан кэпсиир хаартыскалар киллэрилиннилэр. Ааптар сорох экспедицияҕа сырыылара уонна хаартыскаҕа түһэриитин ыытыыта Арктиканы сайыннарыы бырайыактыыр офиһын бырагырааматыгар олоҕуран үбүлэннэ. 


«Бу сир — планета саамай тыйыс айылҕалаах сиригэр олох олорууга анаммыт. Чыпчылҕан түгэҥҥэ хотугу айылҕа улуутугар куустаран, сүрүн сыаннас тула дириҥник толкуйдаан, бу кэрэни харыстааһыны, кыһаллыыны, кэлэр көлүөнэҕэ чөл хаалларыыны быһаарыахтаахпыт», — кинигэ арыллыытыгар Ил Дархан Айсен Николаев бэлиэтиир.

«Тыытыллыбатах айылҕалаах сирдэр планетаҕа олох аҕыйах хааллылар. Ийэ сирбит бэйэтин улаҕаларыгар ураты кэрэ, таайыллыбатах миэстэлэри харыстаан сытыарар. Биһиги элбэҕи билбэппит», — диир Сергей Карпухин.

Кинигэ ааптара хас да сыл Саха сиригэр экспедициялары уонна хаартысканан түһэрии туурдарын тэрийэр. Альбомҥа Өлөөн, Индигирка, Сиинэ өрүстэр, Лабыҥкыр күөл, Сунтаар-Хайата, Улахан-Сис уонна да атыттар киллэриллибиттэр. Быһаарыыта нууччалыы уонна английскайдыы тылларынан бэриллибиттэр.

Следите за самым важным и интересным в Telegram-канале и WhatsApp-группе ЯСИА