Коронавируһунан ыалдьыбыттар Москубатааҕы «Бэс Чагда» сынньалаҥ киинигэр доруобуйаларын туругун көннөрүөхтэрин сөп буолуо. Бу туһунан «Якутия 24» ханаал суруйар.
Бырабыыталыстыба бэрэссэдээтэлин бастакы солбуйааччы Андрей Федотов «ЯкутияLive» биэриигэ санаторийга өрөмүөн үлэтэ бара турарын, саҥа тэрил ылылларын эттэ. «Санаторий лиссиэнсийэтин кэҥэтиэ. Бастакы сынньанааччылары кулун тутар ыйтан саҕалаан тутан барыахпыт. Маныаха Роспотребнадзортан көҥүллээхпит. Сайыары коронавирус кэннэ доруобуйаларын туругун көннөрүөн баҕалаахтары тутан саҕалыахпыт», — диэтэ кини.
Андрей Федотов «Бэс Чагда» реабилитациялыыр бырагыраамата коронавируһунан ортотук уонна ыараханнык ыалдьыбыт дьоҥҥо барсарын эттэ. Маны таһынан санаторийга спортивнай бэлэмнэнии киинэ аһылларын, онно спортсменнар акклиматизацияны, күрэх иннинээҕи бэлэми ааһар буолуохтарын эттэ.
