29 Кулун тутар 29.03
  • -13°
  • $ 92,26
  • 99,71

Мобильнай баан нөҥүө уорбут

17:00, 26 февраля 2018
Текст:
Читайте нас на
Яндекс Новости
ЯДВ

Суотабай төлөпүөннэрин нүөмэригэр «мобильнай баан» өҥөтүн холботторбут дьон болҕомтотугар. Маннык бөрүкүтэ суох түбэлтэҕэ түбэспэт туһугар бу иһитиннэриини ааҕыҥ. 


СӨ Борокуратууратын пресс-сулууспата иһитиннэрбитинэн, Дьокуускай куораттан төрүттээх, ханна да үлэлээбэт 29 саастаах дьахтарга суут бириигэбэрэ тахсыбыт. Туох буруйу оҥорбут эбитий?

Суут быһаарбытынан, бу дьахтар аймаҕыттан суотабай төлөпүөнүгэр сим-каарта ылбыт. Ол нүөмэринэн тутта сылдьан, сим-каарта урукку хаһаайына «мобильнай баан» өҥөтүн холботторбутун билбит. Уонна онон туһанан, урукку хаһаайын счетуттан 18.100 солк. уоран, бэйэтин каартатын нүөмэригэр ыыппыт.

Суут уурааҕынан кини 2 сылга көҥүлэ быһыллара усулуобунайынан ааҕыллан, 1 сыл 6 ыйга тургутар болдьоххо анаммыт.

Онон, сим-каартаҕытын уларытаргытыгар «мобильнай баан» өҥөтүн араартараргытын умнумаҥ!

Следите за самым важным и интересным в Telegram-канале и WhatsApp-группе ЯСИА