Арассыыйа премьер-миниистирэ Михаил Мишустин коронавирустан вакцина күһүн бэлэм буолуо диэн эрэнэрин биллэрдэ. Бу туһунан ТАСС суруйар.
Түөрт вакцина куттала суохтара бигэргэннэ, икки вакцинаны тургутуу бүтэһик кэрдииһигэр сылдьар диэн кини Госдумаҕа бырабыыталыстыба отчуотун кэмигэр эттэ.
«Түөрт вакцина, «Роспотребнадзор» этэринэн, куттала суохтара дакаастаммыт, икки вакцинаны тургутуу бүтэһик кэрдиистэригэр сылдьаллар. Ити Миноборона уонна Гамалеи кииннэрэ. «Вектор» ону таһынан вакциналары уонна сывороткалары чинчийэр институт эмиэ тургутуу ыытарга бэлэмнэнэллэр», — диэн эттэ Мишустин.
