Коронавируһунан сибээстэммит кириисис тосту уларыйыытын кэмэ буолар. Салгыы тупсууга барыахтаахпыт, ол иһигэр вакцинациялааһынынан, диэтэ РФ премьер-миниистирэ Михаил Мишустин Гайдаровскай форумҥа, суруйда РИА Новости.
Форум тиэмэтэ – «Россия и мир после пандемии».
«Билигин коронавируһунан сибээстэммит кириисис тосту уларыйыытын кэмэ. Салгыы балаһыанньа тупсарыгар эрэллээхпин. Вакцинация саҕаланна, бу ыарыыттан толору харыстыыр кыаҕы үөскэтиэҕэ, иммунитет олоҕуран, экономика сайдыытыгар уонна атыыга-кутууга куттал кэлиҥҥигэ хаалыаҕа», — диэтэ Мишустин.
Кини эппитинэн, үгүс дойду бырабыыталыстыбата инфекцияны кыайыы кэнниттэн олох хайдах буоларыгар эппиэт көрдүүр. Бу эппиэттэн экономика уонна элбэх социальнай бырагыраамалар сайдыылара үгүс тутулуктаах буолуоҕа.