Премьер-миниистир Михаил Мишустин 2021 сылга тас дойдулартан киирбит үлэһиттэр ахсааннарыгар өлүүлээһини бигэргэттэ. Суруйар Российская газета.
50 бырыһыан — оҕуруотунан дьарыктаныыга, маһы бэлэмнээһиҥҥэ, миэбэлтэн ураты мастан оҥоһуктарга диэн быһаарылынна. Арыгыны уонна табаҕы анал маҕаһыыннарга атыыга өлүүскэ 15 бырыһыан диэн быһылынна.
Тутууга тас дойдуттан киирбит күүс 80 бырыһыантан таһаарыллыа суохтаах. Нуорма Бурятияҕа, Дагестаҥҥа, Амур уобалаһыгар уонна Москваҕа тарҕаммат. Дагестаҥҥа — 50 бырыһыан.
Аптекаларга, туспа турар атыы эбийиэктэригэр, ырыынактарга, маны сэргэ маҕаһыын таһыгар, палааткаларга тас дойдуттан киирбит үлэһиттэри ылыы төрдүттэн бобуулаах.
Дьаһал тохсунньу 1 күнүгэр диэри олоххо киириэхтээх.
