РБК сайт суруйарынан, Мирнэй улууһун Арыылааҕар үүт собуота эстэн икки киһи суорума суолламмыт уонна өссө икки киһи эчэйиини ылбыт. Быһылаан муус устар 26 күнүгэр тахсыбыт.
Үүтү астыыр собуот «АЛРОСА» АХ бас билиитигэр баарын туһунан хампаанньа пресс-сулууспатын начаалынньыга Андрей Матвеев РБК-ҕа иһитиннэрбит.
Билигин быһылаан тахсыбыт сиригэр «АЛРОСА» бэрэстэбиитэллэрэ уонна силиэстийэлиир бөлөх үлэлиир.
«РИА Новости» суруйарынан, 1980 уонна 1954 сыллаах төрүөх эр дьон өлбүттэр.
Эмиэ бүгүн «Айхал» рудникка саахал тахсан, 1992 с.т. эр киһи суорума суолланна.
