Сунтаар уҥмат уһун тыыннаах сүүрүүгэ, Арассыыйа чөмпүйэнээтин призера, аан дойдутааҕы Универсиада кыттыылааҕа Наталья Леонтьева үс биэрэстэҕэ сырсыыга бу сырыыга үс иһигэр кыайан киирбэтэ. Манна Елена Коробкина бастаата.
Былырыыҥҥы үбүлүөйдээх Манчаары оонньууларын кыайыылааҕа Михаил Руфов400 м сүүрүүгэ бэйэтин түһүмэлигэр биэтэккэ үсүһүнэн кэллэ. Бириэмэтэ — 00:48:29. Бу Саха сирин саҥа рекорда. Үөһээ Бүлүү быһыйа Арассыыйа спордун маастарын нуорматыгар баара-суоҕа 15 суотайынан тиийбэтэ.
Олимпийскай оонньуулар чөмпүйүөннэрэ Мария Пинигина иитиллээччитэ Михаил Руфов классическай дистанцияларга — 100, 200, 400 м үрдүк көрдөрүүлээх дэгиттэр спринтеринэн буолар. Кини 400 м сүүрүүгэ өрөспүүбүлүкэ рекордсмена – быйыл тохсунньуга Дьокуускайга буолбут Саха сирин кыһыҥҥы чөмпүйэнээтигэр бу дистанцияны 49,46 сөк. кэлэн, 2016 сыллаахха олохтообут бэйэтин рекордун тупсаран турар. 100 уонна 200 м сырсыыга Саха сирин чөмпүйүөнэ. Атах оонньуутугар 2012 сыллааҕы норуоттар икки ардыларынааҕы “Азия оҕолоро” Спортивнай оонньуулар үс төгүллээх кыайыылаахтара.
Игорь Чудинов уонна Максим Афонин бүгүҥҥүттэн күрэхтэһиэхтэрэ.
