Михаил Гуляев: Тустууга аан дойду түһүлгэтэ Дьокуускайга ыытыллыан сөп

0
147

Истибэттэр ортолоругар көҥүл тустууга уонна греко-римскэй (классическай) тустууга 2020 сыллааҕы аан дойду чөмпүйэнээтэ Дьокуускайга ыытыллыан сөп.


Бу туһунан бэҕэһээ Турция Самсун куоратыгар буолбут Сурдлимпиадаҕа Саха сирин спортсменнарын кыттыыларын түмүгэр анаммыт пресс-кэмпириэнсийэҕэ Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Михаил Гуляев иһитиннэрдэ.

Михаил Гуляев Турцияҕа Сурдлимпиадаҕа өрөспүүбүлүкэ делегациятын салайан илдьэ сылдьан, истибэттэр спортарын аан дойдутааҕы кэмитиэтин бэрэсидьиэнэ Валерий Рухледевы кытта көрсөн кэпсэппитин эттэ. Онно Валерий Никитич 2020 сылга истибэттэр ортолоругар көҥүл тустууга уонна греко-римскэй (классическай) тустууга аан дойду чөмпүйэнээтин Дьокуускайга ыытарга этии киллэрбит. Бырабыыталыстыба бэрэссэдээтэлин солбуйааччы бу боппуруоһу өрөспүүбүлүкэ салалтатыгар дьүүллэһиэхтэрин, өскөтө онно сөбүлэҥ бэрилиннэҕинэ, туһааннаах докумуоннары аан дойдутааҕы кэмитиэккэ сөбүлэһиннэриигэ ыытыахтарын эттэ.

1
0

Хоруй суох

Хоруйдаа