Амматааҕы Ф. Потапов аатынан култуура киинигэр биллиилээх мелодист, музыкант, уһуйааччы Афанасий Кузьмин олоҕун, айар үлэтин сырдатар, ырыалардаах «Күндүгүөн, мин Аммам, сүрэхпэр» диэн кинигэтэ сүрэхтэннэ.
Кинигэни олоҕун аргыһа Светлана Семеновна хомуйан оҥордо. Барыта 45 ырыа матыыптарын нотаҕа Зверев-Кыыл уола аатынан наруот инструменнарын оркестрын музыканнара Анна уонна Афанасий Томскайдар түһэрбиттэр. Редактор Эдуард Пономарев. Кинигэ уопсайа 1000 экземлярынан бэчээттэннэ. Үбүлээһинин Амма улууһун дьһьалтата кинигэни таһаарар фондатыттан оҥордо. Сүрэхтэнии киэһэтигэр Амма айар талааннаахтара кытыннылар, чугас доҕотторо иһирэх ахтыылары оҥордулар. Ыарахан ыарыыттан бу олохтон барбыт талааннаах биир дойдулаахпыт суруйан хаалларбыт истиҥ иэйиилээх ырыалара ылланан дирин иэйиилээх иһирэх киэһэ ааста.
