Өлүөхүмэ куоратыгар дьоҕус куораттарга уонна историческай сирдэргэ табыгастаах куорат эйгэтин тэрийиигэ бырайыактары олоххо киллэрэр туһугар анаммыт дьаһалларга 30 мөл солкуобай ыытыллыаҕа. Бу Арассыыйа бырабыыталыстыбатын балаҕан ыйын 17 күнүнээҕи дьаһалыгар миниистирдэр кэбиниэттэрин баһылыга Дмитрий Медведев илии баттаата.
Бу дьаһалга олоҕуран үбү бырайыактары олоххо киллэриигэ анаан 80 муниципальнай тэриллиигэ Федерация 43 субъегар тыырбыттара.
“10000 киһиэхэ диэри нэһилиэнньэлээх дьоҕус куораттар” категорияҕа бастыҥнар ахсааннарыгар “Спасское селение” историческай паарка” бырайыагынан Өлүөхүмэ куорат кыайыылаахтар ахсааннарыгар киирдэ. Бырайыакка олоҕуран былыргы култуурунай нэһилиэстибэни харыстааһыҥҥа үлэ ыытыллыаҕа, ону тэҥэ “Спасское селение” историческай киини дьон сынньанар сирин курдук оҥоруохтара.
