22 муниципальнай тэриллииттэн 200-тэн тахса мадьыны кыттыылаах мас тардыһыытыгар Саха сирин быйылгы чемпионата Ленскэйгэ ыытыллар. Олунньу 29 — кулун тутар 1 күннэригэр буолар күрэхтэһии Россия чемпионатыгар сүүмэрдээһини ыытыаҕа. 


«200-тэн тахса спортсмен кыттыаҕа. 22 муниципалитет хамаанда аҕаларга былааннанар. Кыайыылаахтар Россия чемпионатыгар Саха сирин көмүскүүр путевкалары ылыахтара. Атын призердар Уһук Илин чемпионатыгар кыттарга бырааптары тутуохтара, бу эмиэ Россия чемпионатыгар сүүмэрдиир күрэхтэһии буолар», — диэн СИА-ҕа тэрийээччилэртэн биирдэстэрэ Петр Колодезников эттэ.

Гаврил Десяткин аатыгар анаммыт Саха сирин чемпионатыгар эр дьон (60, 65, 70, 75, 80, 90, 105, 125, уонна 125 кг үөһэ), дьахталлар (50, 55, 60, 65, 75, 85, уонна 85 кг үөһэ), бэтэрээн эр дьон (65, 75, 85, 85 кг үөһэ).

Биирдиилээн бастыыр иһин киирсиини сэргэ чемпионакка уопсай хамаанданан кыайыылааҕы быһаарыахтара. Кэнники үс сылга Уус Алдан улууһун мадьынылара иннилэрин кимиэхэ да биэрбэтэхтэрэ. Бу сырыыга кинилэр Кубогы илдьэ барыахтара дуо — быйылгы чемпионат интригатынан буолар.

0
0
comments powered by HyperComments