19 Кулун тутар 19.03
  • -16°
  • $ 91,98
  • 100,24

Мария Борисова: Нолуок ситимигэр уларыйыылары кэтэһэбин

11:31, 22 ноября 2017
Текст:
Читайте нас на
Яндекс Новости
ЯДВ

Ил Дархан Егор Борисов сыл ахсын Ил Түмэн дьокутааттарыгар уонна уопсастыбаннаска Анал этиитин иһитиннэрэр. Быйылгы Анал этииттэн дьон-сэргэ тугу күүтэрий?


Мария Борисова, “Золотой наперсток” ХЭУо дириэктэрэ:

– Сыл бүтүүтүгэр Ил Дархан дьонугар-сэргэтигэр туһаайан Анал этии оҥороро, сыл устата ыытыллыбыт үлэҕэ-хамнаска сыанабыл оҥороро уонна үүнэр сыл соруктарын туруорара үтүө үгэс буолла. Былырыын олохтоох оҥорон таһаарыыны сайыннарарга эппитэ. Дьэ кырдьык, бэйэбит оҥорон таһаарар производстволаах эрэ буоллахпытына, сайдыыга хардыылыахпыт.

Өрөспүүбүлүкэ салалтата биһигини, үлэни-хамнаһы тэрийэ сатыыр урбаанньыттары, олус өйүүр, үлэни-хамнаһы тэрийиигэ тирэх буолар үгүс бырагыраамалар, граннар бааллар, сэминээрдэр тэриллэллэр. Ол эрээри, кыһалҕабыт элбэх. Элбэхтэн биири чопчу ыллахха, нолуок ыстаапката олус үрдүк, инньэ гынан, илии-атах баайыллар, үлэһит хамнаһын үрдэтэр кыах суох. Ити барыта үлэ тэрээһинигэр, түмүгэр охсор. Онон, Ил Дархан быйылгы Анал этиитигэр олохтоох производствоны сайыннарыыга, урбаанньыттарга өссө төгүл болҕомтотун ууран, нолуок боппуруоһугар эрэгийиэн иһинэн туох эрэ хамсатыылаах дьаһал ылыллыан баҕарабын. Холобур, ТОР (урутаан сайдар территория) чэрчитинэн үлэлиир урбаанньыттарга биэс сыл устата нолуокка “сынньалаҥ” биллэриллибин курдук.

Ыспыраапка

“Золотой наперсток” ХЭУо Дьокуускайга 2012 с. тэриллибитэ, чэпчэки промышленностька, чуолаан наскыны өрүүгэ идэтийэр. Тоҕус үлэһиттээх. Бородууксуйаларын “Кэт” диэн сахалыы логотибынан эргиэн туочукаларынан батарар.

Следите за самым важным и интересным в Telegram-канале и WhatsApp-группе ЯСИА