Саха сирин тустуутун историятыгар бэлиэ түгэн үүннэ: тустууга Европаҕа бастыыр иһин күрэхтэһиигэ Роман Дмитриев аатынан Олимпийскэй эрэл училищетын иитиллээччитэ Марина Рассадина кыайыы өрөгөйүн биллэ.
Кини тренерэ — Ким Колодезников. Бу күрэхтэһиигэ Марина 38 кг диэри ыйааһыҥҥа кииристэ. Манна барыта 11 кыттааччы баара. Финал чиэппэригэр Абый улууһуттан төрүттээх тустуук Марина Рассадина Белорусия тустуугун Дзиана Дзиадзеваны 10:0 ахсаанынан, ол кэнниттэн полуфиналга Украинаттан Анастасия Падошигы 8:6 ахсаанынан кыайда.
Чувашияттан Виктория Александрованы 6:1 ахсаанынан хотто.
56 кг диэри ыйааһыҥҥа Ирина Афанасьева бастакы эргииргэ Виктория Вессоҕа хоттордо (0:2). Ити туһунан Саха сирин спордун пресс-сулууспатыгар эттилэр.
Олимпийскэй эрэл училищетын иитиллээччитэ Георгий Окороков ааспыт ыйга эдэр тустууктарга ыытыллыбыт Европаҕа бастыыр иһин күрэхтэһиигэ кыайыылаах буолбута.
